تعالى اقول لك إيه اولاً…..

يا ترى ان دخلت في مناقشات الدستور اولا, ولا البرلمان اولا؟

هل داهمتك تلك الدوامة ودخلت في هذه الخناقة …. واصبح هذا شغلك الشاغل مثل الاخبار والجرائد وغيرها من وسائل الاعلام ؟

ولا انت رايك ان الرئيس اولا؟

وهل ياترى دخلت ايضا في دوامة نختار من كرئيس؟

يعني اسلامي ولا ليبرالي؟

ولا ايه الي بتفكر فيه اولا …….؟؟

تعالى انا اقولك ايه اولا…


فاكر هؤلاء وغيرهم من الابطال

تفتكر وهما بيضحوا بنفسهم كانوا عايزين ايه اولا الدستور ولا البرلمان؟

طيب تفتكر اهاليهم كانوا عايزين ايه اولا؟

وانت لو كنت من المتصابين او ماتلك اخ او اخت او ابن كنت هتقول ايه اولا؟

 

 

طيب وقادر تنسى هؤلاء وغيرهم من المجرمين

 

 

 

 

 

 

 

 

 

 

اكثر من واحد منهم اخذ براءة, ومافيش غير قلة الذين تم محاكمتهم لجرائم مالية فقط… والباقي لا ندري عنه شيئا

طيب لسه فاكر ده

عيان بعد ماكان سبع ومابيعياش وكانوا بيحاولوا يفهمونا انه يمكن ما يموتش اصلا.

دلوقتي عنده ارتجاف اذيني وسرطان ومش قادرين يقربوا منه

وماحيلتوش فلوس واحتمال نلمله فلوس عشان يتعالج لانه طلع غلبان؟

فاكر طيب خرجنا ليه.

خرجنا بسبب انه فيه فقر وجهل وضياع للبلد ناتج عن الفساد السياسي الي جايين يقولوا لينا دلوقتي انه مالوش عقوبة في القانون…!!!!

يعني من الاخر انا وانت واي حد خرج في الثورة عمل بلاغ كاذب. والمفروض نتعاقب عشان ظلمنا الراجل العيان.

طيب فاكر هؤلاء, طيب تعرفهم اصلا


 

 

 

 

 

دول وغيرهم من شهداء الثورة , من الناس الي انا وانتى ماشفناش صورهم في الجرايد. ولا في الفيديو كليب ولا في التلفزيون.
عشان هم من الطبقة الفقيرة…
ايوه الناس الفقراء…

ايوه الناس الي كانت الطبقة الغنية بتقول عليهم الناس التعبانة…

الناس دي الي انقذتك انت وغيرك في الثورة, لانهم متعودين على المرمطة واتبهدلوا عشان انت وغيرك تعيشوا وتتخانقوا على الدستور وغيره….

طيب ايه رايك في الخبر ده

إخلاء سبيل ثلاثة ضباط متهمين بقتل متظاهري الإسكندرية

أمر المستشار إسماعيل سليمان رئيس محكمة جنايات الإسكندرية بالإفراج عن ثلاثة من ضباط الشرطة المتهمين بقتل المتظاهرين بالإسكندرية بضمان وظيفتهم.

طيب والخبر ده

تهديدات ومساومات لأهالي شهداء الإسكندرية للتنازل عن القضايا قبل جلسة الغد.. والأهالي: العروض وصلت لمليون جنيه

والا ده

جارديان: مبارك قد لا يحاكم

وغيرها من الاخبار التي تسد النفس كل يوم….

تعالى اقول لك ايه اولا…

القصاص اولا…

تطهير الشرطة والاعلام والقضاء اولا…

الشرطة ترجع تشتغل زي ما المفروض تشتغل مش زي ما هما عايزين اولا…

علاج مصابين الثورة اولا…

الفقراء اولا…

مطالب الثورة اولا…

المطالب الاساسية الي اتفقنا عليها اولا…

وبعدين اتخانق انت وغيرك براحتك عشان مصر اولا.

ولكل المختلفين والمتخانقين اهديهم الاغنية دي

 

 

Advertisements
  1. أضف تعليق

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: